‘O Peregrino: A aventura do Camiño de Santiago’ chega a Audible coa voz do xornalista e produtor de podcast, David Mulé, que narra en primeira persoa como vive un peregrino as diferentes etapas do Camiño e de onde vén a maxia que rodea a este roteiro milenario

Durante máis de 900 km, o xornalista, David Mulé, descubrirá ao oínte os monumentos e bens de interese de cada etapa, así como as historias, promesas e vivencias daqueles que percorren o Camiño.

O obxectivo da presentación é dar a coñecer unha obra relacionada co Camiño de Santiago, da que Galicia protagoniza gran parte.

Trátase dun evento dirixido a todas aquelas persoas interesadas no Camiño de Santiago, que cada vez son máis debido ao incesante crecemento de peregrinos ano a ano.